“Mahal kita Ina”

Mga katagang namumutawi sa aking dila

Ngunit, kailanma’y hindi ko nasambit sa’yo, oh aking ina

Kailan pa kaya, kailan pa kaya mawawala itong hiya

Gusto ko mang sabihin

Gusto ko mang sambitin

Ngunit, hindi ko alam kung ano ang dapat kung gawin

Hindi ko alam kung ano ang dapat kong bigyang-pansin

Oo, marahil sa iba’y ako’y isang alibugha

Isang batang wala pang masyadong nagawa

Ngunit, salamat ina

Salamat, sapagkat ako’y iyong napalakas at napalaya

Ina, hindi ko man masabing mahal kita

Ngunit alam ng Poong Ama

Kung gaaano ka sa’kin kahalaga

Tulad ka ng diyamanteng walang katulad na iba

Ina, ikaw ay tulad ng isang diyamante

Diyamanteng biyaya sa’kin ni Yahweh

Ina, ikaw ang dahilan kung bakit ako’y hindi nagsisisi

Na ipakita sa iba na ako’y parti ng LGBT

Ina, salamat sa iyo

Salamat, ako’y tinangggap mo ng buong-buo

Alipustahin man ako ng maraming tao, guluhin man ako ng magulong mundo

Pag-ibig mo sa’kin ay hindi nagbabago

Ina, iyong pakatandaan

Gumuho man ang sanlibutan

Kailanma’y hindi kita malilimutan

Ina, nakakintal ka sa aking puso’t isipan