Al’lon bobay na matimawaay na kikita ng isa ka usog ansin nan na banwa. Isa ka al-law, abay anapon ng usog ngiyan na bobay ansang kanaan apit daw wain gayod magauya. Matag yapanaw ngiyang usog makita gayod naan ngiyang matimawa na bobay, kakaagiyan. Way makaawod na katimawa lain sang iban na bobay gayod. Mataas ing lugay, maputi aw sakto ing lawas.

Pila ka al-law yang yulabay, waday kikita ng usog siyang bobay sege naan anapon pero wada gayod magapakita. Mainkaw kadi yang bobay adto magauya sang taas ng kaoy.

Padayon giyapon maganap yang usog pero way gayod ikita naan sang bobay. Bul’la bul’la pa yakadto yang usog adto sidtong kaoy na adto ipan makita naan yang bobay. Wa giyapon yaan kapuya paganap.

Pagka dul’lom da, yakadto yang usog adto sidtong punoan ng kaoy aw tawaga naan idtong bobay, yapagstorya sang kaoy na yagalaung, “daw sinu kaw na bobay kaw, pagpakita kanak, al’lon pagalaung ko kammo, dida ako makakatul’log aw dili takaw amakita, pagpakita da kanak malooy kaw”. Yuoli yang usog ngadto kanilan bay, pagkatapos mapagstorya sang punuan ng kaoy.

Sunod, al-law, yuoli da isab yang usog ngadto sidto na punuan ng kaoy, tapos yakita da naan ing bobay. Laung ng usog, “nasa yadugay kaw magpakita kanak, diko makaya kon dili takaw makita, lain ing kanak dubdub aw dili takaw makita., wain kaw kadi gikan nasa wakaw kanak magpakita? Tubag yang bobay, “ani man lang ako, tuyo wa mo ako kitaa, sang tinuod lamang, dili mo ako ipan basta basta makita tungod kay dili ako otaw, Diwata ako ansini na banwa, ako yang tigbantay ani. Yaka ikol’l yang usog, unan na Diwata ng katimawaay mo, basta lain kaw sang iban na bobay na yakita ko, “gusto takaw, dili ako maimutang aw dili takaw makita.” Yang bobay isab yakagusto sang usog., Laung ng bobay na unuhon ta yani na dili man kita mag abot kay ikaw otaw ako Diwata., Kon musugot kaw magaiban kita pero himoon takaw na Diwata isab para magkaiban da kita., Laung ng usog na, “ayaw kanak pagkatal’la-tal’la” basta lamang makaiban takaw angtod sang angtod.

Sugod sidto na pangitabo, wada kitaa ng mga otaw yang usog kay iimo da ng bobay na Diwata isab, yag iban da silan na mag asawa.