Mabaskog ro tamboe it baeod

Grabi man ro hagunos it eawod

Dunganan pa it gaeagapok nga dueogdog

Ag uean nga perti kabaskog

Kahaeadlok ro hampak it humbak

Sa baroto ga habyog-habyog ag gaeagapak

Mausoy gid it medios pangpiyan-piyan sa adlaw-adlaw

Miskan kinilaw eang nga bolinaw

Ginapigos bangod sa kaimueon

Owa sa gihapon ga duha-duhang magpadayun

Bangud kon manami ing bueohaton

Ro kabuhi hay may pag-umwad man gihapon

Bugsay, hala bugsay!

Pabinit lang anay

Mapakatueondan o mapasidlangan

Importante hay may agtunan

Bugsay, miskan magaoy

Magpahuway ag magpadayun sa pagbugsay

Miskan uwat kasiguraduhan ro pamanaw

Tay, sige eang anay!