Hindi ko alam kung paano ko sisimulan
Kung paano ko bigkasin ang iyong ngalan
Pangalan na kay sarap pakinggan
Na kahit sino walang makakapantay.
Tunay ngang kay sarap umiyak sa’yo
Pagmamahal mo’y tunay
Ni hindi nagkukulang;
Tapat na walang pagpapanggap.
Kahit na ako’y nagkulang
Ako’y iyong tinanggap ng walang pag-aalinlangan
Kay sarap pakinggan;
Na ako’y iyong mahal.
Ang tunay na pag-asa
Sa kaniya ko lang matatamasa
Hindi sa taong paasa
Lalo na sa taong iiwan ka lang mag-isa.
Ikaw, subukan mong umiyak sa kaniya
Hindi sa taong walang kwenta
Na puro sakit ang pinapadama
Sapagkat kailanman hindi siya manghuhusga.
Masarap umibig
Lalo na tunay ang pag-ibig
Kung gusto mo ng pagmamahal
Lumapit ka sa Poong Maykapal.
Salamat sa ating Diyos
Sa mga biyayang hindi nauubos
Salamat sa inyong mga salita
Na sa amin dala’y katotohanan at hiwaga.
