Parang kailan lamang
Araw, buwan at taon ang lumipas
Sumapit na naman ang ber- months
Hudyat ng kasiyahan, pagkakaisa at pagmamahalan
Kay gandang pagmasdan
Ilaw sa bawat tahanan
Kulay asul, dilaw, pula at kung ano-ano pa
Parang tala sa madilim na kalangitan
Pasko’y paghariin ng may diwang tunay
Bigyan ng kulay ang bawat buhay
Katulad ni Hesus na nagmahal ng tunay
Salamat Hesus na Ikaw ay nakaagapay
Hesus na puno ng pusong makulay!
Ipasok sa puso ang diwa ng pasko
Alalahanin natin ang pagsilang ni Hesus
Pagsimba ay pagyamanin ng bawat isa
Ito’y nagdadala sa atin ng galak at saya
O, kay ganda ng pasko!
