L- Letra, dito ko nais iparating
Ang aking hinanaing
Tanging kinakapita’y dalangin
Mundo’y tila galit sa akin
E-Enerhiya’y pababang bumubulusok
Mabatid na may humihila sa isang sulok
Inaakalang tapos na ang pagsubok
Tila simulain palang ng dagok
T-Tapos na ba? O ako ang tatapusin mong tuluyan
Gusto ko na lamang humimlay sa duyan
‘Wag nang gumising nang lubusan
Tila nakakapagod lumaban
R-Retasong dahilan upang magpatuloy
Sana panaho’y umayon sa daloy
Dinggin itong aking panaghoy
Kapayapaan sa kaisipan naman ang isaboy
A-Aanhin ko itong pagbabago
Kay tagal kong lilinangin itong aking pagkatao
Kung dahilan ng pagbagsak ay ‘yong komento
Magpapatuloy pa ba ako?
