Kalayaan, sigaw ng ating mga ninuno!

Nagpanukala ng reporma, ngunit dumanak ng dugo

Pagbabago’y mistulang binura

Pinasan ang sakit, hirap, at pagdurusa

Mamamayang Pilipino walang sapat na lakas

Mistulang walang pag-asa na muling makaalpas

Kailan pa kaya itong mga banyaga’y mapapalayas?

Mananatili na lang ba sa rehas o kailangan na gamitan ng dahas?

Inang bayan, kailan ka kaya makakalaya?

Inang bayan, ano kaya ang aming magagawa?

Mga katagang namumutawi sa kanilang mga dila

Ngunit hindi alam kung papaano matutulungan ang sariling bansa

Mga taong may pagmamahal sa bayan

Binuwis ang buhay para sa kasarinlan

Hindi inisip ang kanilang sariling kapakanan

Bagkus pinahalagahan ang kinabukasan ng kanilang sariling bayan

Aming mga bayani, salamat sa inyo

Kami ay hindi na magdurusa sa Polo Y Servicio

Ginamit ninyo ang inyong lakas at talino

Salamat mga matatapang na Pilipino!