Sisimulan ko ang aking tula sa isang katagang,

“Walang mahirap sa taong may pangarap”

Bawat tao ay may pangarap

Magandang buhay sa hinaharap ang siyang hinahangad

Ibayong hirap at pagsisikap lamang ang kailangan

Upang pangarap ay malalasap.

Ngunit ang mundo ay tila madaya

Nais ko lamang mangarap

Ngunit bakit parang may bumabalakid

Sa nais marating sa buhay.

Isa ako sa mga taong may pangarap

Ngunit paano aabutin,

kung ang paghihirap ay hadlang sa lahat,

Pinipilit kumawala sa rehas ng kahirapan

Ngunit paano magagawa

kung ang mundo ay hindi sumang-ayon.

Ilang beses na ring napagod sa buhay

Ngunit aking ipinaglalaban at hindi sumusuko

Marami mang luha ang nasayang

Nagsisilbi itong inspirasyon sa akin.

Sapagkat ako’y naniniwala na,

Walang mahirap sa taong may pangarap

Lahat gagawin upang makamit ang tagumpay

Tagumpay na siyang inaasam-asam sa hinaharap.

Bawat nilalang ay may munting pangarap

Sa buhay na ating hinaharap

Hindi hadlang ang pasakit at hirap

Sa taong nangangagarap.