Malakas na simoy ng hangin
Ay umaagos at yumayakap sa akin
Ako‘y minsa’y nasa itaas
Minsan naman ay nasa ibaba
Pag-ihip ng hangin
Hawak sa pisi’y pagtibayin
Pisi’y minsan nalapi kung malagot ito
Ngunit mas lalo akong pinatatag nito
Humawak ng maigi, upang di mawari
Lumipad lang hanggang sa huli
Kahit malakas na hangin ang ating haharapin
Huwag bibitaw at ibalanse lamang
Pagtibayin ang sarili
Maniwala at kakayanin pang muli
Lipad…lipad …lipad
Lumipad hangga’t kaya
Lumipad ng buong sarili
Lumipad hanggang sa huli
Lipad at lipad lang ulit
Hanggang sa mapagod
Umupo muna at lipad ulit hangga’t kaya pa
Hanggang ang buhay ay lubos na nasulit
Katulad ng isang pangarap na kay tayog abutin
Kahit mahirap ay kakayanin pa rin
maabot lamang ang mga mithiin
Basta’t kasa-kasama ang buong pusong Pananampalataya
Hawakan ang pisi ng mahigpit
Lumipad at sabayan ang ihip ng hangin
Huwag matakot kung pisi’y malagot
Tumayo at lumipad ulit ng buong puso
Lipad…lipad…lipad
Lumipad ka lng hangga’t kaya pa
Huwag mawalan ng pagasa
Sapagkat ang buhay natin ay parang saranggola
